Ai 3 di avrîl si ricuarde la nassite de Patrie dal Friûl. Al jere l’an 1077 e l’imperadôr di Gjermanie Indrì IV (Enrico IV quello che si recò a Canossa), cun tun diplom prontât a Verone, al conferive al patriarcje Sigeard (Sigeardo) l’inviestidure feudâl ch’e faseve dal Friûl un stât tal jenfri dal Sacri Roman Imperi. .
Di chel moment il patriarcje al podeve vê un esercit, bati monede e fâ judizis di IInt grât (in apel). Insieme a chestis concessions a’ndi veve vudis ancje di altris, come cjiscjei, tiaris, glesiis e regaliis di ogni fate.
Il stât patriarcjâl al durà 343 ains e al piardè il podè pulitic dal 1420, dopo l’invasion di Vignesie. Invecit il dirit al titul di patriarcjât, il Friûl lu piardarà dal 1751 par cause di Viene, Vignesie e Rome che si jerin metudis d’acuardi par soprimi cheste istituzion.
Il document ch’al sancive cheste decision si clamave “Iniuncta nobis” (nostra ingiunzione) e lu veve firmât pape Benedet XIV (Benedetto XIV) , il 06 di luj dal 1751.
Di chel moment in Italie a restavin dome doi patriarcjâts, Rome e Vignesie. A jere stât Carli il Grant dal 811 a decretà che il cunfìn tra il patriarcjât di Salisburg e Acuilee al fos il flum Drava (cumò sot l’Austrie cul non Drau)
I PATRIARCJES DI ACUILEE DUCÂS DAL FRIÛL
Sigeard (Sigeardo) bielzà cancelîr dal Imperadôr Indrì IV (Enrico IV), deventât Patriarcje dal 1068, al à vût dal stes Imperadôr tal 1077 l’invistidure de contee dal Friûl cun parie i onôrs di Duche. Al è muart subit dopo, in tal stes an.
Eco la liste dai soi sucessôrs cul an de lôr nòmine.
Enrico, 1077
Federico, nevôt dal Re di Boemie, 1084
Ulrico o Vodalrico I di Eppenstein, 1085
Gerardo di Premariacco, 1122
Pellegrino I di Pao dal Trentin, 1130
Ulrico II di Treffen, 1161
Godofredo, 1182
Pellegrino II, 1195
Wolfgero, 1204
Pertoldo di Merania, 1218, (Bertoldo di Andechs)
Gregorio di Montelongo, 1251
Filippo di Carintia, (1269-1272. Elezion dal Cjapitul di Acuilee no je stade confermade)
Raimondo della Torre, 1273
Corrado di Slesia, (5-3-1299. Elezion dal Cjapitul di Acuilee no je stade confermade)
Pietro Gera, 1299
Ottobono de Radiis, 1302 (de Robari)
Cassone o Gastone della Torre, 1316
Pagano della Torre,1319
Bertrando di St. Genìes, 1334
Nicolò di Lussemburgo, 1350 (Al à proponût al Pape di trasferî la sede patriarcjâl di Acuilee a Udin, cence vê nissun risultât.)
Ludovico I della Torre, 1359
Marquardo di Randeck, 1365
Guglielmo decano di Aquileia, 1365. (Elezion dal cjapitul di Acuilee no je stade confermade)
Filippo di Alençon,1381
Giovanni di Moravia, 1387
Antonio I Caetani, 1395
Antonio II Pancera, 1402
Ludovico II di Teck, 1408
Il podê pulitic dai Patriarcjes al à durât duncje 343 agns, parceche tal 1420 cu l’invasion di Vignesie ur à restât dome chel religjôs. Il 6 di luj dal 1751 il Pape Benedetto XIV al buris fûr une letare Iniuncta nobis (nostra ingiunzione) dulà ch’al declare la fin dal il Patriarcjât di Acuilee, dant forme a lis dôs arcidiocesis di Udin e Gurizze.
Steme de Patrie dal Friûl Une femine cun tun vistît di tancj colôrs a simbul dai tancj cjiscjei ch’a son di guardie. Tal braç dret a imbranche une lance a simbul di difese in armis. Te man çampe a ten un libri... a simbul dai ingegns de Patrie.
Cjalant in face la “Loggia del Lionello” a Udin sul cianton a man çampe si po viodi cheste statue. Da “Leggi per la Patria e Contadinanza del Friuli” – Udine MDCLXXXVI (1686)
Bandiere de Patrie dal Friûl Acuile di colôr zâl-aur sul sfont blu.
Arcivescovât di Udin, ai 19 zenâr dal 1753 cun diocesis sufraganiis: Belluno e Feltre, Capodistria, Ceneda, Cittanova, Concordia, Padova, Parenzo e Pola, Treviso, Verona, Vicenza.
Arcivescovât di Gurizze, ai 18 aprile dal 1752 cun diocesis sufraganiis: Como, Pedena, Trento , Trieste.
